مواقف مضحكة جداً مع بنت مكتوب

واحدة من المواقف المضحكة المكتوبة تفضل 

– بصي يا بنت الناس انا عشت عمري كله جنبك و سينجل و معنديش اي استعداد اني ادخل اي ريليشن من غير ما اكون واثق من نجاحها
= و انا بوعدك اني عمري ما هضايقك
– اهي دي اول حاجه مبحبهاش ” الكدب ” مفيش حاجه اسمها عمري ما هضايقك اكيد هيجي وقت و نزعل من بعض بس المهم اننا نعرف نعدي مشاكلنا دي
= اصل انت بجد احسن حاجه حصلت في حياتي
– و دي تاني حاجه مبحبهاش ” الافورة ” من زمان كان بيحصل معاكي مواقف و في كل مره تقولي ان ده احسن حاجه حصلتلك و اكيد في المستقبل هتحصلك حاجه و تقولي انها احسن حاجه حصلتلك
= و الله انت بس متعرفنيش كويس حتى اسال ا…
– متكمليش لأن دي تالت حاجه بكرها ” الواسطه” أسأل ليه حد عنك و انتي قدامي اهو و شايف منك كل حاجه
= طيب انا ممكن اعمل اي حاجه تقولي عليها
– اهو ده عيب خطير اوي ” السلبية ” انتي عندك سلبية رهيبة لازم تعرفي ان مهما علاقتنا كانت قوية في مساحة لازم كل واحد فينا يحترمها في التاني افرضي عايزك تعملي حاجه متناقضة مع أفكارك و مبادئك
= طيب يعني تقصد ايه بكل ده
– بصي يا ” مصر ” انتي فيكي عيوب كتير اوي و احنا للأسف مش هنقدر نكمل مع بعض منكرش أن فيكي حاجات حلوه بس الوحش اكتر و انا مش هخاطر بعقليتي و نفسي و أفضل جنبك
فأنا هستأذنك امشي و حساب النسكافيه اللي شربتيه ده عليا